فرمان الہی
نماز کے اوقات
امریکی صدر کے انتخاب کے لیے پولنگ ختم ہونے کے بعد ووٹوں کی گنتی شروع ہوگئی اور نتائج آنے کا سلسلہ جاری ہے۔
غیر ملکی میڈیا کے مطابق 50 ریاستوں میں سے 27 میں ڈونلڈ ٹرمپ اور 19 ریاستوں میں کملا ہیرس کامیاب ہوئی ہیں۔
ری پبلکن امیدوار ڈونلڈ ٹرمپ فلوریڈا، ٹیکساس، لوزیانا، الاباما، مسی سپی، آرکنساس، اوکلاہوما، اوہائیو، انڈیانا، نبراسکا، وائیومنگ میں کامیاب ہوئے ہیں۔
ڈونلڈ ٹرمپ ساؤتھ ڈکوٹا، شمالی کیرولائنا، جارجیا، پینسلوینیا، وسکونسن، نارتھ ڈکوٹا، میزوری، یوٹا، ٹینیسی، ساؤتھ کیرولائنا، کینٹکی اور ویسٹ ورجینیا میں بھی کامیاب ہوئے ہیں۔
ڈیموکریٹ امیدوار کملا ہیرس نیویارک، الی نوائے، ورمونٹ، میساچوسٹس، کنیکٹی کٹ، روڈ آئی لینڈ، نیو جرسی، ڈیلاویئر، میری لینڈ میں کامیاب ہوئی ہیں۔
امریکا کی 50 ریاستوں میں 538 الیکٹورل کالجز ہیں۔
یہاں کیلیفورنیا 54 الیکٹورل کالجز کے ساتھ سرِ فہرست ہے۔
میڈیا رپورٹس کے مطابق کسی بھی امیدوار کو جیت کے لیے کُل 538 میں سے کم از کم 270 الیکٹورل ووٹ درکار ہوں گے۔
