• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مانچسٹر کرسمس لائٹ کا سوئچ آن، کرسمس کی تیاریاں شروع ہوگئیں

آج کا اخبار
یورپ سے
08 نومبر ، 2024
مانچسٹر(نمائندہ جنگ)مانچسٹر کرسمس لائٹ سوئچ آن کردیا گیا۔ اپنی نوعیت کے پہلے کرسمس ایونٹ میں تہوار کی تفریح، ایک ایڈونٹ ٹری اور لیزر شو بھی پیش کیا جائے گاجیسے جیسے کرسمس تیزی سے قریب آرہا ہے تہوار کی تیاریاں بھی عروج پکڑ رہی ہیں ہلکی پگڈنڈیوں سے لے کر سردیوں کے بازاروں تک مانچسٹر شہر جگمگاتا ہوا نظر آئےگا، دی پرنٹ ورکس اپنی پہلی کرسمس لائٹس سوئچ آن کی میزبانی کرےگا جو یورپ کی سب سے بڑی ڈیجیٹل چھت پر بالکل نئے اسکرین مواد کی نمائش کرےگا، 29نومبر کو ہونے والے اس پروگرام میں ایک تہوار والی اسٹریٹ پارٹی بھی شامل ہوگی جو سب کیلئے کھلی ہے ۔برطانوی ذرائع ابلاغ کے مطابق مانچسٹر کا مقام 6سے رات 8بجے تک تہوار کی تفریح کیلئے میسر ہوگا۔ سنسنی خیز ڈرمر شو، لائیو ڈی جے ، ہائی انرجی اسٹیج ڈانسرز بھی شامل ہوں گے۔ تقریب میں مہمان خصوصی جیک کوئکینڈن تقریب کوچار چاند لگائیں گے۔ کرسٹیان برینن پرنٹ ورکس کے مارکیٹنگ مینجر نے اس میں اشتراک کیا ہے۔انہوں نے کہا کہ ہماری کرسمس لائٹس سوئچ آن کے ساتھ ہم اپنے متاثر کن ڈیجیٹل ایڈونٹ ٹری کو متعارف کراتے ہوئے بہت پرجوش ہیں جو کرسمس تک آنے والے لوگوں کو شاندار تحائف پیش کرے گا، چھت کی اسکرینز کے ساتھ مطابقت پذیر لیزر شو بھی شامل ہے جس سے 360ڈگری کا تجربہ ہوگا16فٹ اونچا کھڑا ڈیجیٹل ایڈونٹ ٹری ٹھنڈی سفید ایل ای ڈی لائٹس سے روشن 25 عدد باؤبلز سے مزین ہوگا اور اسے چمکتے ہوئے سفید ستارے کا تاج پہنایا جائے گا، انعامی قرعہ اندازی میں بھی شا مل ہونے کا موقع دیا جائے گا،مہمانوں کو پرنٹ ورکس بارز، ریستوران اور تفریحی سرگرمیوں میں خصوصی انعامات جیتنے کا موقع ملے گا بشمول مفت بے بام برنچز، فیملی سنیما ٹکٹس اور تین ماہ کی جم رکنیت بھی سرفہرست ہے، پرنٹ ورکس کرسمس لائٹ سوئچ آن ایونٹ اور فیسٹیول اسٹریٹ پارٹی جمعہ 29 نومبر کو ہوگی جس کیلئے تیاریوں کا سلسلہ تیز کر دیا گیا ہے۔
یورپ سے سے مزید