فرمان الہی
نماز کے اوقات
آسٹریلیا کے خلاف پاکستان کی ون ڈے سیریز میں کامیابی پر سابق قومی کرکٹرز نے مبارک باد پیش کی ہے۔
سابق کرکٹر محمد حفیظ نے پاکستان ٹیم کو آسٹریلیا میں سیریز جیتنے پر مبارکباد دیتے ہوئے کہا ہے کہ پاکستان کو آسٹریلیا کے خلاف ان کے میدان میں ہرانے پر مبارک باد دیتا ہوں۔
محمد حفیظ کا کہنا ہے کہ ہمیں آپ پر فخر ہے، فاسٹ بولرز کی مدد سے پاکستان یہ سیریز جیتا۔
سابق بیٹر کامران اکمل نے کہا کہ پاکستان نے 22 سال بعد آسٹریلیا میں سیریز جیت کر تاریخ رقم کی، اب کوئی نہیں کہے گا کہ پاکستان آسٹریلیا میں سیریز نہیں جیت سکتا۔
سابق کپتان شاہد آفریدی نے بھی پاکستان ٹیم کو جیت پر مبارک باد دی۔
سابق کرکٹر اور کوچ وقار یونس نے قومی ٹیم کو ون ڈے سیریز جیتنے پر مبارک باد دیتے ہوئے کہا ہے کہ چیئرمین پی سی بی محسن نقوی، محمد رضوان اور ٹیم پاکستان کو مبارک باد پیش کرتا ہوں۔
وقار یونس کا کہنا ہے کہ آسٹریلیا کے میدان میں پاکستان نے بہترین سیریز جیتی ہے۔
واضح رہے کہ پاکستان نے آسٹریلیا کو تیسرے ون ڈے میچ میں شکست دے کر 3 میچوں کی سیریز 1-2 سے جیت لی۔
