فرمان الہی
نماز کے اوقات
رائل مراکش ایئر فورس کے انسپکٹر میجر جنرل محمد قدیح نے ایئر ہیڈ کوارٹرز اسلام آباد کا دورہ کیا اور ایئر چیف مارشل ظہیر احمد بابر سدھو سے ملاقات کی۔
آئی ایس پی آر کے مطابق پاک فضائیہ کے دستے نے ایئر ہیڈ کوارٹرز آمد پر میجر جنرل محمد قدیح کو گارڈ آف آنر پیش کیا۔
آئی ایس پی آر کے مطابق اس موقع پر فوجی تعاون، مشترکہ تربیت اور صنعتی شعبے میں تعاون سے متعلق امور پر تبادلہ خیال کیا گیا۔
پاک فضائیہ کے سربراہ نے انسپکٹر رائل مراکش ایئر فورس کے دورہ پاکستان پر نیک خواہشات کا اظہار کیا۔
پاک فضائیہ کے سربراہ نے کہا کہ دونوں برادر ممالک کے درمیان دیرینہ تاریخی تعلقات ہیں۔ ایئر چیف نے تربیتی میدان میں مکمل تعاون اور شراکت داری کو مضبوط بنانے کے عزم کا اعادہ کیا۔
آئی ایس پی آر کے مطابق اس موقع پر فریقین نے مشترکہ تربیتی پروگرامز اور فوجی مشقوں کےلیے تعاون بڑھانے کی خواہش کا اظہار کیا۔
میجر جنرل محمد قدیح نے پاکستان ایئر فورس کی تکنیکی ترقی کی تعریف کی اور مراکشی فضائیہ کی آپریشنل صلاحیتں بڑھانےکیلئے پاک فضائیہ کی صلاحیتوں سے مستفید ہونے کی خواہش کا اظہار کیا۔
میجر جنرل محمد قدیح نے نیشنل ایرو اسپیس سائنس اینڈ ٹیکنالوجی پارک کا بھی دورہ کیا، انھوں نے جدید ترین تکنیکی ماحولیاتی نظام کی تعریف کی۔
آئی ایس پی آر کے مطابق میجر جنرل محمد قدیح نے ایئر ہیڈ کوارٹرز میں مختلف تنصیبات اور تکنیکی انفرااسٹرکچر سمیت نیشنل آئی ایس آر اور انٹیگریٹڈ ایئر آپریشنز سینٹر اور پی اے ایف سائبر کمانڈ کا بھی دورہ کیا۔
