• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمر ایوب کا بانی سے ملاقات نہ کروانے، اڈیالہ جیل کے باہر سے گرفتار کرنے پر عدالت سے رجوع

اویس یوسفزئی
تازہ ترین
قومی خبریں
13 نومبر ، 2024
عمر ایوب کا بانی سے ملاقات نہ کروانے، اڈیالہ جیل کے باہر سے گرفتار کرنے پر عدالت سے رجوع

اپوزیشن لیڈر عمر ایوب نے گزشتہ روز اڈیالہ جیل کے باہر پیش آئے واقعے پر اسلام آباد ہائی کورٹ سے رجوع کرلیا ہے۔

عمر ایوب نے گزشتہ روز اڈیالہ جیل کے باہر سے گرفتاری اور بانی پی ٹی آئی سے ملاقات نہ کروانے کے معاملے پر عدالت عالیہ اسلام آباد میں درخواست دائر کردی۔

اڈیالہ جیل کا نیا سپرنٹنڈنٹ بانی پی ٹی آئی کو زچ کرنے کیلئے لایا گیا، شیر افضل مروت

شیر افضل مروت نے کہا کہ بانی پی ٹی آئی سے ملاقات نہ ہونے دینا عدالتی فیصلوں کی خلاف ورزی ہے

اپوزیشن لیڈر کی درخواست میں سیکریٹری داخلہ، سیکریٹری ہوم ڈپارٹمنٹ پنجاب، جیل سپرنٹنڈنٹ غفور انجم، آر پی او راولپنڈی، سی پی او راولپنڈی اور صدر بیرونی کے ایس ایچ او کو فریق بنایا گیا ہے۔

درخواست میں موقف اختیار کیا گیا کہ عدالت کو کرائی گی یقین دہانی پر عمل نہ کرنے پر توہین عدالت کے مرتکب افراد کو قانون کے مطابق سزا دی جائے۔

درخواست میں کہا گیا کہ عدالت کے حکم کی خلاف ورزی پر فریقین کے خلاف توہین عدالت کاروائی کی جائے، فریقین نے عدالتی حکم جان بوجھ کر نظر انداز کیا۔

ہمیں جیل گیٹ سے اندر نہیں جانے دیا گیا، عمر ایوب

اپوزیشن لیڈر عمر ایوب کو اڈیالہ جیل کے گیٹ سے اندر نہیں جانے دیا گیا۔

درخواست میں استدعا کی گئی کہ عدالت کے احکامات کا تمسخر اڑانے پر سخت کارروائی کی جائے۔

عمر ایوب کی درخواست میں موقف اختیار کیا گیا کہ درخواست گزار کے پاس آئین کے آرٹیکل 204 کے تحت درخواست دینے کے علاوہ کوئی چارہ نہیں۔

قومی خبریں سے مزید