فرمان الہی
نماز کے اوقات
بالی ووڈ کے مسٹر پرفیکشنسٹ عامر خان نے اپنے قریبی دوستوں اور سپر اسٹارز سلمان خان اور شاہ رخ خان کے ساتھ ایک فلم میں کام کرنے کی خواہش کا اظہار کیا ہے۔
اسٹار اداکار نے کہا کہ انہوں نے پہلے اس بارے میں بات کی تھی اور وہ ایک مناسب کہانی کا انتظار کر رہے ہیں۔
ایک فلم فیسٹیول میں گفتگو کرتے ہوئے عامر خان کا کہنا تھا کہ ’’میرے خیال میں سلمان اور شاہ رخ بھی اس بات پر متفق تھے اور کہا تھا کہ ’’ہم تینوں کو ایک ساتھ فلم ضرور کرنی چاہیے۔ اس لیے میں پرامید ہوں کہ ایسا جلد ہوگا۔‘‘
انہوں نے کہا کہ چند ماہ قبل ایک فیسٹیول میں اس بارے میں بات چیت ہوئی تھی، تقریباً چھ ماہ پہلے شاہ رخ، سلمان اور میں ایک ساتھ تھے اور ہم نے اس حوالے سے بات کی تھی۔
عامر خان نے مزید کہا کہ یہ میں ہی تھا جس نے یہ موضوع اٹھایا تھا اور شاہ رخ و سلمان سے کہا تھا کہ یہ بہت افسوسناک ہوگا اگر ہم تینوں کبھی ایک ساتھ کوئی فلم نہ کریں۔
