فرمان الہی
نماز کے اوقات
پاکستان شوبز انڈسٹری کی سُپر اسٹار عالمی شہرت یافتہ خوبرو اداکارہ ماہرہ خان نے اپنے حوالے سے ساتھی تجربہ کار سینئر فنکار فردوس جمال کے متنازع بیان پر لب کشائی کر دی۔
خیال رہے کہ سینئر اداکار فردوس جمال ماضی میں مختلف انٹرویوز میں اداکارہ ماہرہ خان کی عمر اور ان کی اداکاری سے متعلق منفی تبصرے کر چکے ہیں، جس کے نتیجے ایک نجی ٹی وی نے ان پر پابندی بھی عائد کر رکھی ہے تاہم اداکارہ نے اب تک اس پر خاموشی اختیار کی ہوئی تھی۔
انہوں نے کراچی میں آرٹس کونسل اور جیو کے اشتراک سے ہونے والے 4 روزہ عالمی اردو کانفرنس ادبی میلے میں بطور مہمان شرکت کی جہاں میزبان وسیم بادامی نے ان سے ریپڈ فائر سوالات کیے۔
اداکارہ سے عمران خان، شاہ رخ خان، اور ہمایوں سعید کے حوالے سے سوالات کیے گئے جن پر انہوں نے اپنے خیالات کا کھل کر اظہار کیا۔
اسی دوران جب میزبان نے ان سے سینئر اداکار فردوس جمال سے متعلق سوال کیا تو ماہرہ خان نے پہلے تو خاموشی اختیار کر لی اور پھر محتاط انداز میں کہا کہ میں انہیں نہیں جانتی تو ان کے بارے میں کیا کہوں؟
وسیم بادامی نے ایک لمحہ ٹھہرنے کے بعد دوبارہ یہی سوال دہرایا تو ماہرہ خان نے ہنستے ہوئے صرف اتنا کہنے پر اکتفا کیا کہ وہ ایک تجربہ کار اداکار ہیں۔
