فرمان الہی
نماز کے اوقات
سپریم کورٹ کے آئینی بینچ نے فوجی عدالتوں میں سویلینز کے ٹرائل کے کیس کی سماعت جمعرات تک ملتوی کر دی۔
جسٹس امین الدین کی سربراہی میں 7 رکنی آئینی بینچ نے فوجی عدالتوں میں سویلینز کے ٹرائل کے کیس کی سماعت کی۔
دورانِ سماعت ایڈیشنل اٹارنی جنرل اور پی ٹی آئی کے وکیل لطیف کھوسہ عدالت میں پیش ہوئے۔
اس موقع پر ایڈیشنل اٹارنی جنرل کی جانب سے سماعت ملتوی کرنے کی استدعا کی گئی۔
ایڈیشنل اٹارنی جنرل نے کہا کہ وزارتِ دفاع کے وکیل خواجہ حارث کی طبیعت ناساز ہے، انہیں معدے میں تکلیف ہے جس کے باعث وہ عدالت میں پیش نہیں ہو سکتے۔
عدالت نے وکیل لطیف کھوسہ کی زیرِ حراست افراد کو عام جیلوں میں منتقل کرنے کی استدعا مسترد کر دی۔
وکیل لطیف کھوسہ نے کہا کہ زیرِ حراست افراد کی کم از کم جیلوں میں ملاقات تو کرائی جا سکتی ہے۔
جسٹس امین الدین نے لطیف کھوسہ کو ہدایت کی کہ کیس کی سماعت ہو رہی ہے، فی الحال کسی اور طرف نہ جائیں، ملاقات سے متعلق اٹارنی جنرل یقین دہانی کرا چکے ہیں۔
بعد ازاں آئینی بینچ نے فوجی عدالتوں میں سویلینز کے ٹرائل کے کیس کی سماعت جمعرات تک ملتوی کر دی۔
