فرمان الہی
نماز کے اوقات
شام میں پھنسے 318 پاکستانی بیروت سے چارٹر طیارے کے ذریعے پاکستان پہنچ گئے۔
شام میں پھنسے پاکستانی لبنان کے راستے پاکستان پہنچے ہیں۔
وزیراعظم شہباز شریف کی درخواست پر لبنان نے پاکستانی شہریوں کو ویزے جاری کیے گئے۔
طیارے کے اسلام آباد انٹرنیشنل ایئرپورٹ پہنچنے پر وزیر منصوبہ بندی احسن اقبال نے پاکستانی شہریوں کا استقبال اور خطاب کیا۔
اس موقع پر وزیر منصوبہ بندی احسن اقبال نے ایئرپورٹ پر میڈیا سے گفتگو کرتے ہوئے کہا کہ پاکستانیوں کو خیریت سے ملک واپس آنے پر مبارکباد پیش کرتا ہوں۔
انہوں نے کہا کہ پاکستانیوں کی باحفاظت واپسی پر لبنان کے وزیراعظم کے شکر گزار ہیں۔
احسن اقبال کا مزید کہنا تھا کہ این ڈی ایم اے نے مسافروں کو ان کی منزل تک پہنچانے کے لیے بسوں کا انتظام کیا۔
واضح رہے کہ ان شہریوں کو بذریعہ سڑک شام سے لبنان پہنچایا گيا، جہاں سے آج انہيں خصوصی طیارے کے ذریعے پاکستان روانہ کر دیا گیا۔
بیروت ایئر پورٹ پر پاکستان کے سفیر نے پاکستانی شہریوں کو رخصت کیا، چارٹرڈ طیارہ 13 دسمبر کی درمیانی شب اسلام آباد انٹرنیشنل ایئرپورٹ پر پہنچ گیا۔
