فرمان الہی
نماز کے اوقات
چیئرمین پاکستان کرکٹ بورڈ محسن نقوی نے ریاض میں سعودی عربیہ کرکٹ فیڈریشن کے چیئرمین شہزادہ سعود بن مشعل السعود سے ملاقات کی ہے۔
ریاض میں ہونے والی ملاقات میں محسن نقوی نے کرکٹ کے فروغ اور اسٹیڈیمز کی تعمیر کے حوالے سے ہر ممکن تعاون کی پیشکش کی ہے۔
ملاقات میں سعودی عرب میں کرکٹ کے فروغ اور کھلاڑیوں کی ڈیولپمنٹ پر تبادلہ خیال کیا گیا۔
چیئرمین پی سی بی محسن نقوی نے سعود بن مشعل السعود کو چیمپئنز ٹرافی ٹورنامنٹ کے میچز دیکھنے کے لیے پاکستان کے دورے کی دعوت بھی دی جبکہ۔
محسن نقوی کا کہنا ہے کہ کرکٹ ڈیولپمنٹ کے لیے پلیئرز ایکسچینج پروگرام شروع کیا جاسکتا ہے، سعودی عرب اپنے ابھرتے ہوئے کھلاڑیوں کو پاکستان بجھوا سکتا ہے جبکہ کرکٹ ڈیولپمنٹ اور اسٹیڈیمز کی تعمیر کے حوالے سے پوری معاونت کریں گے۔
چیئرمین سعودی عربیہ کرکٹ فیڈریشن نے کہا کہ ہم پلیئرز ڈیولپمنٹ پر کام کر رہے ہیں، ہم پاکستان کے ساتھ کرکٹ کے فروغ کے لیے قریبی تعاون کے ساتھ کام کرنا چاہتے ہیں۔
