فرمان الہی
نماز کے اوقات
بالی ووڈ اداکارہ کرینہ کپور اور اداکار شاہد کپور کی تصویر ایک مرتبہ پھر وائرل ہو گئی۔
بھارتی میڈیا کے مطابق دونوں اداکاروں کے درمیان ماضی میں محبت کا رشتہ قائم تھا تاہم بعد میں دونوں نے اپنی راہیں جدا کر کے شادیاں کر لیں۔
بھارتی میڈیا کے مطابق کرینہ کپور اور شاہد کپور نے گزشتہ روز اپنے بچوں کے اسکول فنکشن میں شرکت کی جہاں دونوں اداکاروں کو ایک تصویر میں کچھ ہی فاصلے پر دیکھا گیا۔
کرینہ کپور فنکشن میں سب سے پہلی قطار میں بیٹھی ہوئی تھیں جبکہ شاہد کپور ان کے پیچھے بیٹھے تھے۔
بھارتی میڈیا کے مطابق کرینہ کپور کو اپنے بیٹے تیمور کی پرفارمنس پر بہت زیادہ خوش ہوتے دیکھا گیا، اس دوران انہوں نے تالیاں بھی بجائیں اور اپنے موبائل فون پر ویڈیو بھی ریکارڈ کی۔
اس موقع پر کرینہ کپور کے شوہر سیف علی خان بھی ان کے ساتھ موجود تھے۔
بھارتی میڈیا کے مطابق کرینہ کپور اور شاہد کپور کی فلم ’جب وی میٹ‘ 2007ء میں ریلیز ہوئی تھی اور اسی فلم کی شوٹنگ کے دوران دونوں نے اپنے آپسی رشتے کو ختم کر لیا تھا، البتہ اسکرین پر ان کی جوڑی کو مداحوں نے خوب پسند کیا تھا۔
