فرمان الہی
نماز کے اوقات
پیرس (رضا چوہدری )شہید بے نظیر بھٹو کے 17 ویں یومِ شہادت پر انہیں خراجِ عقیدت پیش کرنے کےلئے پیرس کے نواحی علاقہ میں سورۃ یاسین کے ورد کی محفل منعقد ہوئی۔ پاکستان پیپلزپارٹی یورپ کے صدر ڈاکٹر ارشاد علی کمبوہ نے کہا ہے کہ شہید محترمہ بینظیر بھٹو کی ہمت بے مثال ، ان کی زندگی جرأت کی علامت تھیں۔ شہید محترمہ بےنظیر بھٹو کی سیاسی جدوجہد اور اصولوں پر مبنی قیادت پاکستان کے عوام کے لیے ہمیشہ مشعلِ راہ رہے گی جس کی بدولت آج بھی ملک میں جمہوریت رواں دواں ہے، وہ معاشرے میں مزدور، کسان اور پسماندہ طبقات کو قومی ترقی کی بنیاد سمجھتی تھیں۔ محفل میں خطاب کرتے ہوئے خواتین ونگ پی پی پی فرانس کی صدر محترمہ روحی بانو نے کہا کہ ان کی شخصیت امید، استقامت ، جمہوریت اور انصاف کے اصولوں سے غیر متزلزل وابستگی کا مجسمہ تھی۔ شہید بی بی ہم سب کیلئے مشعل ِ راہ تھیں۔ مرزا عتیق الرحمن نےکہا کہ شہید محترمہ بینظیر بھٹو لاکھوں پاکستانیوں کے لیے امید کی علامت تھیں کیونکہ وہ قائد عوام شہید ذوالفقار علی بھٹو کے وژن سے جڑی تھیں۔ محفل میں پاکستان پیپلزپارٹی فرانس کے صدر چوہدری محمد رزاق ڈھل بنگش ، پارٹی کارکنوں کے علاوہ دیگر سیاسی جماعتوں کے رہنماؤں نے بھی شرکت کی۔ اس موقع پر شہید محترم بے نظیر بھٹو کےلئے شمعیں روشن کرکے دعائوں کے ساتھ تقریب اختتام پذیر ہوئی اور شرکا کے اعزاز میں عشائیہ دیا گیا۔
