• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کینیڈا کی جانب سے پاکستانی پوڈ کاسٹر کیلئے آفیشل پِن کا اعزاز

آج کا اخبار
یورپ سے
29 دسمبر ، 2024
مانٹریال (بدر منیر چوہدری) حکومت کینیڈا نے پاکستانی پوڈ کاسٹر حافظ احمد کو آفیشل پِن اور سرٹیفیکیٹ کے اعزاز سے نوازا ہے۔ یہ اعزاز کینیڈین پارلیمنٹ کی پاکستانی نژاد ممبر اور پارلیمانی سیکریٹری اقراء خالد نے دیا۔ حافظ احمد کو یہ اعزاز پاکستان اور بیرونِ ملک ای کامرس کے فروغ، نوجوانوں کی رہنمائی، پوڈکاسٹ کے ذریعے مثبت سوچ، بین المذاہب ہم آہنگی اور عام افراد کو بااختیار بنانے کی خدمات کے اعتراف میں دیا گیا۔ کینیڈین رکنِ پارلیمنٹ اقراء خالد نے اس موقع پر کہا کہ پاکستان میں ٹیلنٹ کی کمی نہیں ہے۔ ان کا مزید کہنا تھا کہ مثبت سوچ رکھنے والے پاکستانی نوجوان پاکستان کا سرمایہ ہیں اور کینیڈا اور پاکستان کے دوستانہ تعلقات میں اضافہ ہو رہا ہے۔
یورپ سے سے مزید