فرمان الہی
نماز کے اوقات
کراچی میں رواں سال ڈکیتی میں مزاحمت پر پہلے شہری کا قتل ہوگیا۔
پولیس کے مطابق کراچی کے علاقے بھینس کالونی 10نمبر روڈ پر ڈکیتی میں مزاحمت پر 20 سال کے نوجوان کا قتل ہوا۔
پولیس کے مطابق زخمی نوجوان اسپتال منتقلی کے دوران دم توڑ گیا، اس کی شناخت اطہر کے نام سے ہوئی ہے۔
مقتول اطہر کے ماموں شوکت نے جناح اسپتال میں میڈیا سے گفتگو کرتے ہوئے کہا کہ اطہر سکھر کا رہائشی ہے، اس کا بھینس کالونی میں باڑا ہے۔
اطہر کے ماموں نے مزید کہا کہ بھینس کالونی گلی نمبر 10 کے قریب اطہر اور نجم بائیک پر سوار تھے، موٹر سائیکل سوار دو نامعلوم افراد نے نجم اور اطہر کو روکا اور تلاشی لی، کچھ نہ ملنے پر ملزمان نے اطہر کے سینے پر گولی ماری اور فرار ہو گئے۔
مقتول کے ماموں نے بتایا کہ اطہر کی ایک سال قبل شادی ہوئی تھی۔
