فرمان الہی
نماز کے اوقات
مانچسٹر (نمائندہ جنگ) دنیا کے 48مختلف ممالک سے برطانیہ آ نے والے سیاحوں کو اب داخلے کیلئے درخواست دینا ہوگا جبکہ سفر سے قبل فیس کی ادائیگی کا اصول پر ان پر لاگو ہوگا ۔2024وہ سال تھا جب مسافروں کو یورپ میں ویزا فری سفر کے لیے بیوروکریسی کے تعارف سے بچایا گیا تھامگر 2025وہ سال ہے جو حقیقت کا آغاز کرتا ہے یورپی یونین کی (ای ٹی آئی اے ایس) ویزا کی چھوٹ بہت تاخیر سے فی الحال 2025 میں شروع ہونے کے راستے پر ہے برطانیہ نے8 جنوری کو اپنا ای ٹی اے سسٹم متعارف کرایا ہے۔ ای ٹی اے مطلب الیکٹرانک ٹریول اتھارٹی ہے۔ ان مسافروں کے لیے ایک نئی ڈیجیٹل رجسٹریشن اسکیم ہے جنہیں برطانیہ میں داخل ہونے کیلئے ویزا کی ضرورت نہیں ہے۔ اس سے پہلے کہ وہ ہوائی جہاز پر سوار ہو سکیں اور لینڈنگ پر پاسپورٹ کنٹرول پر خود کو پیش کر سکیں اب مسافروں کو برطانیہ جانے کے لیے پہلے سے سفر کی اجازت حاصل کرنے کی ضرورت ہوگی ‘کوئی بھی سیاح جسے یوکے جانے کے لیے ویزا کی ضرورت نہیں ہے اسے الیکٹرانک ٹریول اجازت کی ضرورت ہوگی تاکہ سفر سے پہلے ملک میں داخلے کے لیے پہلے سے کلیئر ہوسکے۔ یہ یوکے یونائیٹڈ سٹیٹس کے (ای ایس ٹی اے) کے مساوی ہے ایک لازمی اور بامعاوضہ اجازت سفر کے لیے پہلے سے سیکیورٹی کلیئرنس کے ساتھ اب لازم ہوگایہ اسکیم 2024 میں گلف کوآپریشن کونسل کے شہریوں کے لیے شروع کی گئی تھی۔ اگلا مر حلے میں یہ دوسرے غیر یورپی مسافروں کے لئے لوگوہوگی۔ بشمول امریکہ، کینیڈا اور آسٹریلیا کے ساٹھ لاکھ مسافر جو ہر سال برطانیہ میں داخل ہوتے ہیں۔48ریاستوں کی مکمل فہرست جنہیں ای ٹی اے کی ضرورت ہے جاری کر دی گئی ہے ان تمام ممالک کے مسافروں کو اب برطانیہ میں داخل ہونے کے لیے ای ٹی اے کی ضرورت ہوگی۔ یورپی یونین کے شہریوں کو2اپریل 2025سے یوکے میں داخل ہونے کے لیے ای ٹی اے کی ضرورت ہوگی۔ ان ممالک کے شہری جو پہلے سے ہی برطانیہ میں مقیم ہیں انہیں اسکی ضرورت نہیں ہے۔ یہ اسکیم سیاحت اور کاروبار کے لیے چھ ماہ سے کم عرصے کے لئے برطانیہ کے مختصر دوروں کے لیے ہے اگرچہ کچھ لوگ اسے ویزا کہہ رہے ہیں لیکن یہ دراصل ویزا کی چھوٹ ہے وہ مسافر جن کی شہریت کا مطلب ہے کہ انہیں یوکے میں داخل ہونے کے لیے ویزا کی ضرورت ہے انہیں اب بھی ویزا کے لیے درخواست دینے کی ضرورت ہوگی۔
