فرمان الہی
نماز کے اوقات
پاکستان تحریک انصاف ( پی ٹی آئی) رہنما اسد قیصر نے کہا ہے کہ ہم طعنہ نہیں دینا چاہتے لیکن ان کو دیکھنا چاہیے کہ کمٹمنٹ کیوں پوری نہیں ہوئی۔
جیو نیوز کے پروگرام نیا پاکستان میں گفتگو کے دوران اسد قیصر نے کہا کہ بہت بڑا سوال یہ ہے کہ پی ٹی آئی کمیٹی کی بانی چیئرمین عمران خان سے ملاقات کیوں نہ ہوسکی۔
انہوں نے کہا کہ چاہتے ہیں کہ مذاکرات میں سنجیدگی ہوتو لیڈرشپ کا ان پٹ ضروری ہے، ن لیگ کو چاہیے کہ اپنا واضح موقف بیان کرے۔
اسد قیصر نے مزید کہا کہ مذاکرات کی کامیابی کے لیے ضروری ہے کہ کٹمنٹ پوری ہو، یہ آکر میٹنگ میں بات کریں ہم مشاورت کریں گے اور لیڈرشپ سے بھی بات کریں گے ۔
اس سے قبل پی ٹی آئی رہنما نے الزام لگایا تھا کہ خواجہ آصف اور مریم نواز کی کوشش ہےکہ ہر ممکن طریقے سے مذاکرات ناکام بنا دیے جائیں۔
انہوں نے کہا تھا کہ مذاکرات سے متعلق ہماری کمٹمنٹ ہے ، اس لیے اعتماد سے بات کر رہے ہیں ، مریم نواز اور خواجہ آصف کی باتوں پر افسوس ہے ۔
اسد قیصر نے یہ بھی کہا تھا کہ بانی پی ٹی آئی سے ملاقات کرانے کے وعدے کے بعد حکومت کی جانب سے اب بہانے کیے جارہے ہیں ، نہ کسی خوف میں مبتلا ہیں ، نہ کسی سے ڈر رہے ہیں ، صرف پاکستان کی خاطر اپنے تحفظات کو پیچھے کیا ہے۔
