فرمان الہی
نماز کے اوقات
سینیٹر فیصل واوڈا نے اپوزیشن لیڈر عمر ایوب کے گھر پر ہونے والی مشکوک میٹنگ میں سابق ڈائریکٹر آئی ایس آئی جنرل (ر) فیض حمید کے آنے کا انکشاف کیا ہے۔
جیو نیوز کے پروگرام کیپٹل ٹاک میں گفتگو کے دوران سینیٹر فیصل واوڈا نے کہا کہ فیض حمید کی ایک مشکوک میٹنگ تھی ماسک پہن کرآئے تھے وہ عمر ایوب کے گھر پر ہوئی۔
انہوں نے کہا کہ عمر ایوب کا تعلق ملک کی 5 سیاسی جماعتوں سے رہ چکا ہے، یہ تمام ہی پارٹیوں میں ایسے ڈرامے کرتے رہے ہیں۔
سینیٹر فیصل واوڈا نے مزید کہا کہ عمر ایوب ڈرامے بازی کے بعد سب سے زیادہ بوٹ پالشنگ والے آدمی ہیں، اپوزیشن لیڈر 200 فیصد کمپرومائزڈ ہیں۔
اُن کا کہنا تھا کہ بیرسٹر محمد علی سیف، علی محمد، شیر افضل مروت اور شوکت یوسفزئی یہ سارے بانی پی ٹی آئی کی جان سے نہیں کھیلنا چاہتے ہیں۔
