فرمان الہی
نماز کے اوقات
نوجوان امریکی ٹک ٹاکر لڑکی کو فائرنگ کر کے قتل کر دیا گیا۔
غیر ملکی میڈیا کے مطابق مرنے والی ٹک ٹاکر کی شناخت 17 سالہ نیسایا ٹرنر کے نام سے ہوئی ہے، فائرنگ کا واقعہ 18 جنوری کو جنوبی کیلیفورنیا کے ایک شاپنگ سینٹر کے باہر پیش آیا تھا۔
مقامی پولیس کے مطابق گاڑی کے اندر سے لڑکی کی گولی لگی لاش ملی تھی جس کے سینے پر گولی کا نشان تھا، اسپتال منتقل کرنے پر لڑکی کی موت کی تصدیق کر دی گئی تھی۔
غیر ملکی میڈیا کے مطابق اس کیس کی اب تک تفتیش جاری ہے، اب تک کسی ملزم کی نشاندہی نہیں ہو سکی ہے۔
نیسایا ٹرنر کے سوشل میڈیا ایپ پر فالوورز کی تعداد 3 لاکھ 10 ہزار ہے جہاں وہ اپنی ڈانس اور شخصیات کی ویڈیوز پوسٹ کرتی تھیں جبکہ انسٹاگرام پر ان کے فالوورز کی تعداد 36 ہزار ہے۔
امریکی میڈیا کے مطابق نیسایا ٹرنر نے موت سے چند دن قبل اپنی 15 سیکنڈ کی ڈانس ویڈیو سوشل میڈیا پر اپ لوڈ کی تھی۔
