فرمان الہی
نماز کے اوقات
بانی پی ٹی آئی کے وکیل محمد فیصل ملک نے کہا کہ جی ایچ کیو حملہ کیس میں آج ایک اور گواہ کا بیان ریکارڈ کیا گیا ہے۔ نو مئی کیس میں منصوبہ سازی کی پراسیکیوشن کوئی شواہد پیش نہیں کرسکی ہے۔
راولپنڈی میں اڈیالہ جیل کے باہر میڈیا سے گفتگو کرتے ہوئے بانی پی ٹی آئی کے وکیل نے کہا کہ بنیادی طور پر اس کیس میں بانی پی ٹی آئی پر سازش کا الزام ہے۔ آج پراسیکیوشن نے عدالت کو بتایا کہ کوئی یو ایس بیز جمع کروانی ہے۔
محمد فیصل ملک کے مطابق عدالت نے کاپیز فراہم کرنے سے متعلق ہماری استدعا منظور کرلی، آج تک پراسیکیوشن نے کبھی کسی یو ایس بی کا ذکر نہیں کیا۔
انہوں نے کہا کہ بشریٰ بی بی کو 26 نومبر کے کیسز میں شامل تفتیش کرنے کی استدعا منظور کی ہے۔
فیصل ملک نے کہا کہ ابھی تک اس کیس میں صرف موقع کی شہادتیں پیش کی گئی ہیں، پراسیکیوشن کا اصل کیس نو مئی کی منصوبہ سازی ہے۔
انہوں نے کہا کہ منصوبہ سازی کی ابھی تک پراسیکیوشن کوئی دستاویز یا شواہد پیش نہیں کرسکے۔
