• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایم کیو ایم اپنی مردہ سیاست کو زندہ کرنے کیلئے ہم پر تنقید کرتی ہے، شرجیل میمن

آج کا اخبار
اہم خبریں
31 جنوری ، 2025
کراچی ( اسٹاف رپورٹر)سندھ کے سینئر وزیر شرجیل انعام میمن نے کہا ہے کہ متحدہ قومی موومنٹ اپنی مردہ سیاست کو زندہ کرنے کے لئے پیپلز پارٹی پر تنقید کرتی ہےخالد مقبول صدیقی کے بیان پر اپنے ردعمل کا اظہار کرتے ہوئے شرجیل میمن نے کہا ہے کہ کراچی کے عوام کے لئے متحدہ قومی موومنٹ ماضی کا ایک ڈراؤنا خواب ہو کر رہ گئی ہے،ایم کیو ایم اس لئے تنقید کرتی ہے کہ اس پر جوابی تنقید ہو اور اس کا سیاسی قد بڑھے۔ سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے مزید کہا کہ ایم کیو ایم کے کسی بھی رہنما کے کسی بھی بیان کو ہم سنجیدہ نہیں لیتے۔انہوں نے کہا کہ کراچی میں تاجروں کے اعزاز میں ظہرانہ ایک کامیاب اجتماع تھا تاجروں کے اعزاز میں ظہرانے کا مقصد تاجروں کے مسائل کی نشاندہی اور ان کا حل اور تاجروں کے ساتھ مل کر پاکستان کو ترقی راہ پر گامزن کرنا تھا۔
اہم خبریں سے مزید