فرمان الہی
نماز کے اوقات
برطانوی وزیراعظم سر کیر اسٹارمر یورپی یونین کے تمام 27 رہنماؤں کے ساتھ یورپی دفاع کے حوالے سے بات چیت کرنے کےلیے تیار ہیں۔
تاہم امکان ظاہر کیا جارہا ہے کہ یورپی یونین اور برطانیہ کے درمیان ماہی گیری کے حقوق سے متعلق جاری تنازعہ کو حل کرنے کی ضرورت کی وجہ سے ممکنہ سیکیورٹی معاہدہ پیچیدہ ہو سکتا ہے۔
سر کیر اسٹارمر کو ماہی گیری کے حقوق سے متعلق مسائل کی وجہ سے یورپی یونین کے ساتھ دفاعی اور سلامتی کا معاہدہ قائم کرنے میں ممکنہ رکاوٹوں کا سامنا ہے۔
برطانوی وزیراعظم یورپی یونین کے 27 سربراہان مملکت اور حکومت کے ساتھ ایک اہم عشائیہ کےلیے برسلز روانہ ہوں گے تاکہ یورپی یونین اور برطانیہ کے دفاع پر تبادلہ خیال کیا جا سکے، جو یوکرین پر روس کے حملے کے بعد زیادہ اہمیت کا حامل موضوع ہے۔
مذکورہ دعوت یورپی کونسل کے صدر انتونیو کوسٹا کی طرف سے ای یو اور برطانیہ کے سربراہی اجلاس سے پہلے آئی۔
وزیراعظم اسٹارمر نے اتوار کو کہا کہ سنگل مارکیٹ، کسٹم یونین اور آزادانہ نقل و حرکت میں دوبارہ شامل ہونا ایک سرخ لکیر ہے، تاہم سیکیورٹی تعاون اور ہموار کسٹم انتظامات پر معاہدہ برطانیہ کےلیے ایک ترجیح ہوگی۔
