فرمان الہی
نماز کے اوقات
بالی ووڈ اداکارہ سوناکشی سنہا نے ممبئی کے قیمتی علاقے باندرہ ویسٹ میں واقع اپنا فلیٹ ساڑھے 22 کروڑ روپے (بھارتی روپے) میں فروخت کردیا۔
جنوری میں ہونے والی اس فروخت سے انھیں 5 برس میں 61 فیصد منافع ہوا۔
یہ فلیٹ تجارتی مرکز باندرہ کورلہ کمپلیکس کے قریب ہے، اسکے علاوہ یہ علاقہ ویسٹرن ایکسپریس ہائی وے، باندرہ وورلی سی لنک اور انٹرنیشنل ایئرپورٹ سے بھی متصل ہے۔
فروخت کی دستاویزات کے مطابق اس فلیٹ کا کارپٹ ایریا 4,211 اسکوائر فٹ جبکہ بلٹ اپ ایریا تقریباً 4,632 ہے۔ اسکے علاوہ اسکی تین پارکنگ اسپیس بھی ہیں۔
واضح رہے کہ سوناکشی نے یہ فلیٹ مارچ 2020ء میں 14 کروڑ کا خریدا تھا۔
