فرمان الہی
نماز کے اوقات
کراچی(نیوزڈیسک)جنگ بندی معاہدے کے بعد اسرائیل کی جانب سے ہفتے کو مزید 183 فلسطینی قیدیوں کو رہا کرنے کی توقع ہے۔حماس میڈیا آفس کے مطابق امکان ہے اسرائیل آج کو مزید 183 فلسطینی قیدیوں کو رہا کرے گا جب کہ 3اسرائیلی یرغمالیوں کو رہا کیا جائے گا۔اسرائیل نے حماس کی جانب سے 3اسرائیلی قیدیوں کے نام ملنے کی تصدیق کرتے ہوئے کہا ہے کہ رہا کیے جانے والے 3شہریوں کے نام مل گئے ہیں۔اسرائیل 18ایسے قیدیوں کو رہا کرے گو جو عمر قید کی سزا کاٹ رہے ہیں۔ 54ایسے قیدی جنہیں طویل مدتی سزائیں دی گئی ہیں جب کہ 111 قیدی جو غزہ کی پٹی سے 7 اکتوبر کے بعد گرفتار کیے گئے تھے۔"طوفان الاقصی” قیدیوں کے تبادلے کے معاہدے کے تحت، القسام بریگیڈز نے اعلان کیا ہے کہ وہ بروز ہفتہ، 08 فروری 2025ء کو درج ذیل صیہونی قیدیوں کو رہا کریں گے۔
