فرمان الہی
نماز کے اوقات
وزیرِ اعلیٰ پنجاب مریم نواز نے کہا ہے کہ بیٹیوں کو جدید علوم اور آئی ٹی کی مہارتوں سے آراستہ کرنا ہو گا۔
وزیرِ اعلیٰ پنجاب مریم نواز کا خواتین اور لڑکیوں کے عالمی دن برائے سائنس پر اپنے خصوصی پیغام میں کہنا ہے کہ پنجاب حکومت خواتین اور لڑکیوں کو سائنسی و تکنیکی میدان میں آگے لانے کے لیے عملی اقدامات کر رہی ہے۔
انہوں نے کہا ہے کہ ہونہار اسکالر شپ پروگرام سے ہزاروں طالبات کو سائنسی شعبوں میں مکمل ٹیوشن فیس دی جا رہی ہے، اب پنجاب میں کسی بیٹی کا خواب وسائل کی کمی کے باعث ادھورا نہیں رہے گا۔
وزیر اعلیٰ پنجاب کا مزید کہنا ہے کہ لیپ ٹاپ اسکیم کا مقصد طالبات کی جدید علوم اور ٹیکنالوجی تک رسائی فراہم کرنا ہے۔
ان کا یہ بھی کہنا ہے کہ ایڈوانس آئی ٹی ٹریننگ پروگرامز سے خواتین عالمی ڈیجیٹل مارکیٹ میں نمایاں مقام حاصل کر رہی ہیں، اسی حوالے سے شہر میں مفت وائی فائی پروگرام کا آغاز کیا گیا ہے۔
