فرمان الہی
نماز کے اوقات
پاکستان کرکٹ ٹیم کی آئی سی سی چیمپئنز ٹرافی کےلیے تیاریاں بھرپور انداز میں جاری ہیں، دوسرے دن بھی کھلاڑیوں نے جم کر پریکٹس کی۔
نیشنل اسٹیڈیم کے اوول گراؤنڈ پر پاکستانی ٹیم نے دوسرا پریکٹس سیشن کیا، اس دوران فاسٹ بولر حارث روف نے بھی بولنگ کی۔
کھلاڑیوں نے پریکٹس سیشن سے پہلے فزیکل ٹریننگ کی، اس کے بعد کیچنگ اور پھر بولنگ اور بیٹنگ کے نیٹ پر جوہر دکھائے۔
اس دوران فاسٹ بولر حارث رؤف نے بولنگ کی لیکن وہ چند ہی اوور کرانے کے بعد تھرو کی پریکٹس کرتے نظر آئے جبکہ ٹیم کے دیگر بولرز پورے ردھم کے ساتھ بولنگ اور بیٹر بیٹنگ کرتے رہے۔
آئی سی سی چیمپینز ٹرافی کا آغاز بدھ کو ہوگا اور افتتاحی میچ میں پاکستان اور نیوزی لینڈ کی ٹیمیں کراچی میں مد مقابل ہوں گی۔
