فرمان الہی
نماز کے اوقات
پاکستان کرکٹ ٹیم کے کپتان محمد رضوان کا کہنا ہے کہ ٹیم سے توقعات رکھنی چاہئیں، ہمارے پاس اچھے کھلاڑی ہیں، جو کمی ہے وہ بھی دور ہو جائے گی۔
کراچی میں پریس کانفرنس کرتے ہوئے انہوں نے کہا کہ چیمپئنز ٹرافی کی میزبانی ملنا خوشی کی بات ہے، خوشی ہوتی ہے جب ٹیم کی مشترکہ کوشش سے میچ میں کامیاب ہو۔
انہوں نے کہا کہ پوری قوم چیمپئنز ٹرافی کو انجوائے کرے، 29 سال بعد پاکستان آئی سی سی ایونٹ کی میزبانی کر رہا ہے، اس طویل عرصے میں پاکستان کو کامیابیاں بھی ملی ہیں۔
محمد رضوان کا کہنا ہے کہ حارث رؤف 80 فیصد فٹ ہے، انہوں نے بولنگ بھی کی، جم بھی کر رہا ہے، وہ فٹ ہو چکا ہے، ٹیم کے 15 کے 15 کھلاڑی کپتان ہیں، میں صرف ٹاس یا پریس کانفرنس کے لیے آتا ہوں۔
قومی ٹیم کے کپتان نے کہا کہ ہم سینئر پلیئر ہیں ہماری ذمے داری زیادہ بنتی ہے، کوئی ایسی بات نہیں ہوئی کہ بابر اعظم اوپن نہیں کرے گا، ہماری کارکردگی میں تسلسل نہیں ہے، کھلاڑی کے سیکھنے کا عمل جاری رہتا ہے۔
ان کا یہ بھی کہنا ہے کہ ہمیں نیوزی لینڈ سے زیادہ اچھا کھیلنا ہو گا، ہر کھلاڑی پُرامید ہے اور خواہش رکھتا ہے کہ پاکستان کو ٹائٹل مل جائے، ہم اپنی بہترین پرفارمنس دینے کی کوشش کر رہے ہیں۔
