فرمان الہی
نماز کے اوقات
انٹرنیشنل کرکٹ کونسل ( آئی سی سی) نے ون ڈے پلیئر ز کی رینکنگ جاری کر دی۔
آئی سی سی کی جانب سے جاری کی گئی رینکنگ کے مطابق بھارت کے شبمن گل ون ڈے کے نمبر ون بیٹر بن گئے جبکہ پاکستان کے بابر اعظم ایک درجہ تنزلی کے بعد اب دوسرے نمبر پر چلے گئے۔
بھارتی کرکٹر شبمن گل کے 796 اور بابر اعظم کے 773 رینکنگ پوائنٹس ہیں۔
رینکنگ میں بھارت کے روہت شرما تیسرے، جنوبی افریقا کے اینرخ کلاسن ایک درجہ بہتری کے بعد چوتھے اور نیوزی لینڈ کے ڈیرل مچل 2 درجے بہتری کے بعد پانچویں نمبر پر آ گئے ہیں۔
پاکستان کے فخر زمان ایک درجہ تنزلی کے بعد 14 ویں اور کپتان محمد رضوان 6 درجے بہتری کے بعد 15 ویں نمبر پر پہنچ گئے۔
آئی سی سی ون ڈے بولرز کی رینکنگ میں سری لنکا کے مہیش تھیکشانا نمبر ون بولر بن گئے۔
راشد خان ایک درجہ تنزلی کے بعد دوسرے اور شاہین آفریدی ایک درجہ تنزلی کے بعد 5 ویں پوزیشن پر چلے گئے جبکہ نیوزی لینڈ کے مچل سینٹنر 5 درجے ترقی کے بعد ساتویں نمبر پر پہنچ گئے۔
ون ڈے آل راؤنڈرز رینکنگ میں افغانستان کے محمد نبی کی پہلی پوزیشن برقرار ہے۔
