فرمان الہی
نماز کے اوقات
عوام پاکستان پارٹی کے سربراہ شاہد خاقان عباسی کا کہنا ہے کہ ملکی مسائل کا حل انتہائی آسان ہے آئین پر عمل کیا جائے۔
میانوالی میں سیرت کانفرنس سے خطاب کرتے ہوئے انہوں نے کہا کہ پاکستان کو آئین پر چلانے سے معاملات حل ہوں گے، اگر ہمیں ملک کو آگے لے کر چلنا ہے تو انصاف کی بنیاد پر فیصلے کرنا ہوں گے۔
شاہد خاقان عباسی کا کہنا ہے کہ اگر کسی کو آئین میں کوئی چیز پسند نہیں اس کو مل کر تبدیل کر لیں، آج ہر کوئی سوال کرتا ہے ہمارا کیا بنے گا؟ ملک کا کیا بنے گا؟
عوام پاکستان پارٹی کے سربراہ نے کہا کہ ملک کی بقاء اور سلامتی آئین پر عمل کرنے میں ہے، پاکستانی قوم دنیا میں سب زیادہ خیرات کرنے والی قوم ہے۔
ان کا مزید کہنا ہے کہ ہماری بدقسمتی ہے کہ ہم ٹیکس دینے سے انکاری ہوتے ہیں۔
شاہد خاقان عباسی نے یہ بھی کہا کہ مغربی ممالک میں غزہ کے معاملے پر بھرپور انداز میں آواز اٹھائی گئی۔
