فرمان الہی
نماز کے اوقات
معروف سینئر اداکارہ بشریٰ انصاری نے یوٹیوب پر نیا وی لاگ شیئر کیا ہے۔
نئے وی لاگ میں ہر فن مولا اداکارہ نے اپنی بیٹیوں سے متعلق جذباتی گفتگو کی ہے۔
بشریٰ انصاری نے نئے وی لاگ میں اپنی آڈیئنس سے بات کرتے ہوئے اس بات کا کا اعتراف کیا ہے کہ مجھے اپنی بیٹیوں، میرا اور نریمان انصاری کی بہت یاد ستاتی ہے۔
اداکارہ نے کہا ہے کہ کبھی کبھار دل چاہتا ہے کہ میری بیٹیاں میرے پاس کراچی واپس آ جائیں مگر یہ ایک مشکل کام ہے کیوں کہ میری بیٹیوں کے بھی اب بچے ہیں، جیسے مجھے اپنی بیٹیوں کی یاد آتی ہے اسی طرح اب ان کی توجہ کا مرکز ان کے بچے ہیں۔
اداکارہ نے بتایا کہ بیٹیوں کی شادی تو میں نے کراچی ہی میں کی تھی مگر ان کی قسمت کہ بعد ازاں وہ بیرونِ ملک شفٹ ہو گئیں اور ان کے بچے اب پاکستان نہیں آتے، وہ یہاں کہ ماحول اور حالات سے پریشان ہوتے ہیں۔
انہوں نے مزید کہا کہ شادی کے بعد سب کی ترجیحات بدل جاتی ہیں، ہمیں اپنی اولاد عزیز ہوتی ہے تو ہماری اولاد کو اپنے بچے۔
بشریٰ انصاری نے مصروف اور والدین سے دور رہنے والے بچوں کو مشورہ دیتے ہوئے کہا کہ اپنے والدین کو کال کیا کریں، آپ کے والدین آپ کی کال کے منتظر رہتے ہیں۔
