فرمان الہی
نماز کے اوقات
گھوٹکی کے علاقے رونتی کچے میں پولیس اور ڈاکوؤں کے درمیان مبینہ مقابلے میں 2 ماہ قبل اغواء ہونے والے 3 مغوی بازیاب کرا لیے گئے۔
ایس ایچ او رونتی صفی اللّٰہ انصاری کے مطابق رونتی کچے میں ڈاکوؤں کے خلاف 2 ماہ سے پولیس کا آپریشن جاری ہے۔
ایس ایچ او کا کہنا ہے کہ اغواء کار پولیس کے دباؤ میں آ کر 2 ماہ قبل اغواء کیے گئے مغویوں کو چھوڑ کر فرار ہو گئے ہیں۔
انہوں نے بتایا کہ بازیاب ہونے والے مغویوں میں محمد اویس، انس اور فیض ملک شامل ہیں جہنیں ڈاکوؤں نے 2 ماہ قبل کراچی سے نوکری کے جھانسے میں بلا کر اغواء کیا تھا۔
ایس ایچ او رونتی نے کہا کہ تینوں مغویوں کا تعلق کراچی کے علاقے وحید آباد سے ہے۔
انہوں نے کہا کہ مغویوں کے اغواء کا مقدمہ کراچی کے تھانہ رضویہ سوسائٹی میں درج ہوا تھا جبکہ اغواء کاروں نے مغویوں کی رہائی کے لیے بھاری تاوان طلب کیا تھا۔
