فرمان الہی
نماز کے اوقات
پاکستان کی معروف، سرِفہرست اداکارہ و ماڈل کبریٰ خان نے اپنے قریبی دوست گوہر رشید کے ساتھ شادی کر لی ہے۔
شوبز انڈسٹری کی نوبیاہتا جوڑی کبریٰ خان اور گوہر رشید مکہ مکرمہ میں اپنے خوبصورت انداز میں ہونے والے نکاح کے بعد آج کل پاکستان میں شادی کی تقریبات میں مصروف ہے۔
کبریٰ خان اور گوہر رشید اپنی شادی کے سلسلے میں ہونے والی ہلے گلے سے بھرپور تقریبات کی نت نئی خوبصورت ویڈیوز اور تصاویر بھی اپنے مداحوں کے ساتھ شیئر کر رہے ہیں۔
کبریٰ اور گوہر کی نئی پوسٹ کو مداحوں کی جانب سے بے حد پسند کیا جا رہا ہے۔
حال ہی میں کبریٰ خان نے شادی کی مرکزی تقریب سے تصویریں شیئر کرتے ہوئے اپنے حسین ترین عروسی لباس، بلش پِنک رنگ کے غرارے پر ڈیزائنر کا شکریہ ادا کیا ہے۔
ملبوسات کی ویب سائٹ کے مطابق کبریٰ خان کی جانب سے اپنی شادی کی مرکزی تقریب پر پہنے گئے اس غرارے کی قیمت 2 لاکھ 75 ہزار روپے ہے۔
کبریٰ خان کی جانب سے پہنے گئے اس غرارے کو ’برائے کبریٰ‘ کا نام دیا گیا ہے۔
