فرمان الہی
نماز کے اوقات
کراچی ( اسٹاف رپورٹر) کرنسی مارکیٹ، انٹر بینک میں ڈالر کی قیمت 10پیسے کم اور اوپن مارکیٹ میں5پیسے بڑھ گئی، یورو کی قیمت 4.05روپے کے اضافے سے 300روپے کی حد عبور کر گئی،پاؤنڈ بھی 2.46روپے تک مہنگا ہو گیا، فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں ڈالر کی قیمت خرید 5پیسے کی کمی سے 279.70روپے سے کم ہو کر 279.65 روپے اور قیمت فروخت 10پیسے کی کمی سے 279.90 روپے سے کم ہو کر 279.80روپے پر آگئی ہے ، اوپن مارکیٹ میں ڈالر کی قیمت خرید 5پیسے کے اضافےسے 279.00روپے سے بڑھ کر 279.05 روپے ہو گئی لیکن قیمت فروخت 281.30 روپے پر برقرار رہی،فاریکس رپورٹ کے مطابق یورو کی قیمت خرید 3.63روپے کے اضافے سے 296.98 روپے سے بڑھ کر 300.61روپے اور قیمت فروخت 4.05روپے کے اضافے سے 299.59روپے سے بڑھ کر 303.64روپے ہو گئی ہے،رپورٹ کے مطابق جمعرات کو برطانوی پاؤنڈ کی قیمت خرید 2.15روپے کے اضافے سے 357.27روپے سے بڑھ کر 359.42روپے اور قیمت فروخت 2.46 روپے کے اضافے سے 360.36 روپےسے بڑھ کر 362.82روپے ہو گئی ہے۔
