فرمان الہی
نماز کے اوقات
تحریک انصاف نے قومی سلامتی کمیٹی اجلاس میں شرکت پارٹی رہنماؤں کی بانی پی ٹی آئی سے ملاقات کرانے سے مشروط کردی۔
پی ٹی آئی نے اجلاس میں شرکت کیلئے بیرسٹر گوہر، اسد قیصر، زرتاج گل، عامر ڈوگر، علی محمد خان، بیرسٹر علی ظفر، حامد رضا اور دیگر کے نام پیر کو دیے تھے۔
سیاسی کمیٹی کے ہنگامی اجلاس میں رات گئے فیصلہ تبدیل کیا گیا ہے۔
اپوزیشن لیڈر عمر ایوب نے اسپیکر قومی اسمبلی ایاز صادق کو خط لکھ دیا ہے جس مٰن کہا گیا ہے کہ قومی سلامتی کمیٹی اجلاس سے پہلے مشاورت کے لیے بانی پی ٹی آئی سے ملاقات کروائی جائے۔
چیف وہپ پی ٹی آئی عامر ڈوگر بھی یہی مطالبہ لیے اسپیکر قومی اسمبلی ایاز صادق کے پاس پہنچ گئے اور کہا کہ 3 رکنی پارلیمانی وفد کو بانی پی ٹی آئی سے ہدایات کے لیے ملاقات کی اجازت دی جائے۔
عامرڈوگر نے وزیر قانون اعظم نذیر تارڑ اور وزیر پارلیمانی امور طارق فضل چوہدری سے بھی ملاقات کی۔
ان کا کہنا تھا کہ بانی پی ٹی آئی کی سپورٹ کے بغیر کوئی کامیاب پالیسی نہیں بنائی جا سکتی، چاہتے ہیں دہشت گردی کے خلاف حکمت عملی اور خارجہ پالیسی وہ بنے جسے بانی پی ٹی آئی کی حمایت حاصل ہو۔
