فرمان الہی
نماز کے اوقات
پاکستان کی معروف اداکارہ مہوش حیات نے پڑوسی ملک کے مشہور گلوکار یو یو ہنی سنگھ کے لیے خصوصی پیغام شیئر کیا ہے۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے گانے ’جٹ مہکما‘ کے پسِ پردہ مناظر شیئر کرتے ہوئے بھارتی گلوکار کو خصوصی مبارک باد پیش کی ہے۔
انہوں نے اپنے بھارتی گلوکار کے ساتھ گانے کی شوٹنگ کی مختصر ویڈیو انسٹا اسٹوری میں شیئر کی اور ساتھ کیپشن میں لکھا کہ حقیقی او جی (اوریجنل گینگسٹر) کو سالگرہ مبارک۔
انہوں نے ایک اور انسٹا اسٹوری شیئر کی جس کے کیپشن میں لکھا کہ شاٹ ختم ہو گیا لیکن یو یو ہنی سنگھ کے ڈانس مووز چلتے رہے، یہ شخص ایک زبردست وائب ہے، اس کی توانائی ناقابلِ شکست اور اس کے ساتھ وقت گزارنا بے حد مزیدار ہوتا ہے۔
واضح رہے کہ یو یو ہنی سنگھ اور مہوش حیات کا گانا جٹ مہکما گزشتہ برس ریلیز کیا گیا تھا۔
