فرمان الہی
نماز کے اوقات
لاہور قلندرز نے فرینڈز آف قلندرز یونیورسٹی فین کلب متعارف کرا دیا۔ جس کا مقصد نوجوانوں کو کھیل کے ذریعے جوڑنا اور یونیورسٹی سطح پر ان کی صلاحیتوں کو فروغ دینا ہے۔
لاہور قلندرز اور نجی یونیورسٹی نے مفاہمت کی یادداشت پر دستخط کیے۔ فین کلب کی نگرانی اسٹوڈنٹس کی ایگزیکٹیو کمیٹی کرے گی۔ مختلف تعلیمی اداروں میں فرینڈز آف قلندرز فین کلب کا آغاز کیا جائے گا۔
سی ای او لاہور قلندرز عاطف رانا کا کہنا تھا کہ لاہور قلندرز ہمیشہ سے صرف کرکٹ سے بڑھ کر ایک مشن رہا ہے۔ نوجوانوں کی صلاحیتوں کو پروان چڑھانا چاہتے ہیں، مستقبل کے لیڈرز کو ایک پلیٹ فارم فراہم کرنے پر یقین رکھتے ہیں۔
اس موقع پر کرکٹر فخر زمان نے طالب علموں کے سوالوں کے جواب دیے۔ ان کا کہنا تھا کہ بین الاقوامی کرکٹ میں اسٹریس بہت ہوتا ہے۔ کھلاڑیوں کو انجری ہوتی رہتی ہے۔ بابر اعظم ایک بڑا کھلاڑی ہے۔ بابر اعظم سے پوچھ کر ہی ریسٹ دینے کے لیے اسے ڈراپ کیا۔ پی ایس ایل کے لیے ٹریننگ کر رہا ہوں۔
کرکٹر فخر زمان نے لاہور قلندرز ٹیم کی ٹی شرٹس پر دستخط کیے اور انہیں طالب علموں میں تقسیم کیا۔
