فرمان الہی
نماز کے اوقات
کراچی ( اسٹاف رپورٹر) پاکستان اسٹاک ایکس چینج،منافع کی خاطر فروخت کا دباو بڑھنے سے کاروباری ہفتے کےاختتام پر مندی کا رحجان، کے ایس ای 100 انڈیکس میں328پوائنٹس کی کمی، سرمایہ کاری مالیت 31 ارب 36 کروڑ 45 لاکھ روپے گھٹ گئی،44.36فیصد کمپنیوں کے شیئرز کی قیمت میں اضافہ،کاروباری حجم 44.73فیصد کم رہا، تفصیلات کے مطابق کاروباری ہفتے کے آخری روز بھی مارکیٹ میں ٹریڈنگ کے آغاز پر تیزی دیکھنے میں آئی اور ایک موقع پر100انڈیکس 636 پوائنٹس کے اضافے سے ایک لاکھ 19ہزار کی حد بھی عبور کر گیا لیکن بعد ازاں سرمایہ کاروں کی کم دلچسپی اور منافع کی خاطر فروخت کے دباؤ سے صورتحال تبدیل ہو گئی اور4روز کی تیزی کے بعد کاروباری ہفتے کے آخری روز مارکیٹ کا اختتام مندی پر ہوا،کے ایس ای 100 انڈیکس 327.60 پوائنٹس کی کمی سے 118442.18پوائنٹس پر آکر بند ہوا، کے ایس ای30انڈیکس 156.53 پوائنٹس کی کمی سے 36375.52 پوائنٹس ہو گیا اور آل شیئرز انڈیکس 160.07 پوائنٹس کی کمی سے 73466.22 پوائنٹس پر آگیا۔
