فرمان الہی
نماز کے اوقات
پاکستان کے خلاف ایک روزہ ہوم سیریز کےلیے نیوزی کرکٹ ٹیم کے اسکواڈ کا اعلان کردیا گیا۔
نیوزی لینڈ اور پاکستان میں پہلا ون ڈے میچ ہفتے کو نیپئر میں کھیلا جائے گا، ٹام لیتھم کیوی ٹیم کی قیادت کریں گے۔
نیوزی لینڈ کے ون ڈے اسکواڈ میں محمد عباس کو شامل کیا گیا ہے، وہ پاکستان میں پیدا ہوئے اور فیملی کے ساتھ نیوزی لینڈ منتقل ہوگئے تھے۔ وہ
پاکستان میں فرسٹ کلاس کرکٹ کھیلنے والے اظہر عباس کے صاحبزادے ہیں۔
نیوزی لینڈ کرکٹ کے مطابق اظہر عباس آکلینڈ اور ویلنگٹن کی نمائندگی کے ساتھ فائر بورڈز کے اسسٹنٹ کوچ بھی ہیں۔
نیوزی لینڈ کرکٹ کے مطابق پاکستان کے خلاف ایک روزہ سیریز کے اسکواڈ میں میچل سینٹنر، راچن رویندرا، ڈیون کانوائے، گلین فلپس آئی پی ایل کی وجہ سے شامل نہیں۔
ٹیم میں آئی سی سی چیمپئنز ٹرافی کا فائنل کھیلنے والے اسکواڈ کے 8 کھلاڑی شامل ہیں، دیگر کھلاڑیوں میں آدی اشوک مائیکل بریسویل مارک چیپمین جیکب ڈفی، مچ، نک کیلی ول او رورکی بین سئیرز نیتھن سمتھ اور ول ینگ ہیں۔
پاکستان اور نیوزی لینڈ کے درمیان ایک روزہ سیریز کا پہلا میچ 29 مارچ کو جبکہ دیگر دو میچز 2 اور 5 اپریل کو کھیلے جائیں گے۔
