فرمان الہی
نماز کے اوقات
معروف بھارتی گلوکارہ نیہا ککڑ میلبرن کنسرٹ میں تاخیر سے پہنچنے کے بعد اسٹیج پر پھوٹ پھوٹ کر رونے لگیں۔
سوشل میڈیا کے مختلف پیجز پر نیہا ککڑ کے میلبرن کنسرٹ کی ایک ویڈیو وائرل ہو رہی ہے جس میں گلوکارہ کو کنسرٹ میں 3 گھنٹے تاخیر سے پہنچنے کے بعد اسٹیج پر روتے دیکھا جا سکتا ہے۔
اُنہوں نے روتے ہوئے اپنے مداحوں کا شکریہ ادا کرتے ہوئے کہا کہ آپ سب لوگ بہت اچھے ہو، آپ لوگوں نے اتنی دیر میرا انتظار کیا، مجھے اتنا انتظار کروانا بالکل پسند نہیں ہے اور نہ ہی میں نے زندگی میں کبھی کسی کو اتنا انتظار کروایا ہے۔
بھارتی گلوکارہ نے کہا کہ آپ لوگوں کو میرے لیے اتنا انتظار کرنا پڑا اس کے لیے میں معذرت چاہتی ہوں۔
اُنہوں نے کہا کہ میں آج کی شام کو ہمیشہ یاد رکھوں گی کہ آج آپ لوگ میرے لیے اپنا قیمتی وقت نکال کر آئے ہو تو میں اس بات کو یقینی بناؤں گی کہ آپ سب لوگ ڈانس کرو۔
وائرل ویڈیو میں نیہا ککڑ کے کنسرٹ میں 3 گھنٹے کی تاخیر سے پہنچنے پر مداحوں کو غصّےکا اظہار کرتے ہوئے بھی سنا جا سکتا ہے۔
ایک مداح نے کہا کہ ’آپ واپس جائیں اور ہوٹل میں آرام کریں‘، ایک اور مداح نے کہا کہ ’یہ انڈیا نہیں آسٹریلیا ہے‘ جبکہ ایک مداح نے تو گلوکارہ کے رونے پر کہا کہ آپ نے تاخیر سے پہنچنے کے بعد بہت اچھی اداکاری کی لیکن یہ انڈین آئیڈل نہیں ہے اور نہ ہی آپ یہاں بچوں کے ساتھ پرفارم کرنے والی ہیں۔
