فرمان الہی
نماز کے اوقات
پاکستانی اداکارہ اور سوشل میڈیا انفلوئنسر میرب علی معروف گلوکار عاصم اظہر کی منگیتر ہیں، جو اکثر ان کے کنسرٹس اور مختلف تقریبات میں دیکھی جاتی ہیں۔
ان کی اور عاصم اظہر کی منگنی کو لاکھوں مداحوں نے سراہا، لیکن اس کے ساتھ ہی ایک تنازع بھی جنم لے چکا ہے، کیونکہ ماضی میں میرب اور ہانیہ عامر قریبی دوست رہ چکی ہیں۔
عاصم اظہر کا ماضی میں ہانیہ عامر کے ساتھ رشتہ کافی مقبول رہا ہے، لیکن ان کی علیحدگی کے بعد کچھ ناظرین اکثر لائیو شوز میں ہانیہ عامر کا نام لے کر عاصم اظہر کو ہراساں کرنے کی کوشش کرتے ہیں، تاہم عاصم عام طور پر ایسی ٹرولنگ کا باوقار انداز میں سامنا کرتے ہیں اور کسی بڑے ردِعمل کے بغیر نظر انداز کر دیتے ہیں۔
حال ہی میں ایک پوڈ کاسٹ میں میرب علی مہمان تھیں، دورانِ گفتگو میزبان نے اچانک میرب سے سوال کیا کہ کیا عاصم اظہر آپ کے لیے گانے گاتے ہیں؟ اس سے پہلے کہ وہ کوئی جواب دیتیں، علی سفینہ نے مذاق میں کہا کہ جیسے او ہانیہ وے دل جانیا؟
یہ سن کر میرب علی حیران رہ گئیں، لیکن انہوں نے اپنی بردباری کا مظاہرہ کرتے ہوئے اس بات کو نظر انداز کر دیا۔
اگرچہ یہ لمحہ غیر متوقع تھا، لیکن انہوں نے کسی ناخوش گوار ردِعمل کا اظہار نہیں کیا اور گفتگو کو آگے بڑھایا۔
یہ لمحہ سوشل میڈیا پر وائرل ہو گیا اور مداحوں نے میرب علی کے پُروقار رویے کو سراہا ہے۔
کچھ افراد نے میزبان کے مذاق کو غیر ضروری قرار دیا، جبکہ دیگر نے اسے صرف ایک ہلکا پھلکا جملہ سمجھا۔
