فرمان الہی
نماز کے اوقات
صوبائی وزیرِ اوقاف پنجاب شافع حسین کا کہنا ہے کہ ملک کو امن عامہ اور دہشت گردی کی صورتحال کا سامنا ہے۔
وزیر اوقاف پنجاب شافع حسین سے چیئرمین مرکزی رویت ہلال کمیٹی مولانا عبدالخبیر آزاد کی ملاقات ہوئی جس میں امن وامان کی صورتحال، محکمہ اوقاف کے امور اور بھائی چارے کے جذبات کے فروغ پر گفتگو کی گئی۔
شافع حسین نے کہا کہ دہشت گردی کے خلاف جنگ میں پاک فوج، سِیکیورٹی اداروں اور معاشرے کے ہر طبقے نے قربانی دی ہے۔
ان کا کہنا ہے کہ دین اسلام میں دہشت گردی کی کوئی گنجائش نہیں، اتحاد کی قوت سے ہی انسانیت کے دشمنوں کو شکست دی جا سکتی ہے۔
انہوں نے یہ بھی کہا کہ امن کے دشمنوں کے ناپاک عزائم خاک میں ملانے کے لیے پوری قوم کو متحد ہونا ہو گا، مساجد اور مزارات کی تزئین و آرائش کی اسکیموں پر تیزی سے کام جاری ہے۔
