پاکستان سپر لیگ (پی ایس ایل) 10 کی تشہیری مہم کا آغاز کردیا گیا ہے۔
لاہور کے مین بلیوارڈ لبرٹی مارکیٹ چوک کو پی ایس ایل کی ٹیموں کے ناموں سے سجا دیا گیا ہے۔ اسی مقام پر دیوہیکل پی ایس ایل ایکس بھی سب کی توجہ کا مرکز بن گیا ہے۔
رنگ برنگی لائٹس نے بھی مین بلیوارڈ گلبرگ پر سماں باندھ دیا۔ شہریوں کی بڑی تعداد تصاویر بنا رہی ہے۔
واضح رہے کہ پی ایس ایل 10 کا آغاز 11 اپریل کو ہوگا۔ چھ ٹیموں کا یہ ایونٹ کراچی، لاہور، ملتان اور راولپنڈی میں کھیلا جائے گا۔
پی ایس ایل 10 کا فائنل 18 مئی کو قذافی اسٹیڈیم لاہور میں ہوگا۔