فرمان الہی
نماز کے اوقات
کراچی (اسٹاف رپورٹر)کرنسی مارکیٹ، روپے کی قدر میں کمی کا رحجان،انٹر بینک میں ڈالر کی قیمت 40پیسے تک اور اوپن مارکیٹ میں28پیسے تک بڑھ گئی، یورو کی قیمت میں4.85روپے تک کا اضافہ، پاؤنڈ بھی5.38روپے تک مہنگا ہو گیا، فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں ڈالر کی قیمت خرید 40 پیسے کے اضافے سے 280.00روپے سے بڑھ کر 280.40 روپے اور قیمت فروخت 5 پیسے کے اضافے سے 280.45روپے سے بڑھ کر 280.50 روپے ہو گئی ہے ، اوپن مارکیٹ میں ڈالر کی قیمت خرید 28 پیسے کے اضافےسے 279.71روپے سے بڑھ کر 279.99 روپے اور قیمت فروخت 8 پیسے کے اضافے سے 281.91روپے سے بڑھ کر 281.99 روپے ہو گئی ہے ، فاریکس رپورٹ کے مطابق یورو کی قیمت خرید 4.85 روپے کے اضافے سے 301.88 روپے سے بڑھ کر 306.73روپے اور قیمت فروخت 4.66 روپےکے اضافے سے 304.91روپے سے بڑھ کر 309.57 روپے ہو گئی ہے ، رپورٹ کے مطابق جمعرات کو برطانوی پاؤنڈ کی قیمت خرید 5.38 روپے کے اضافے سے 360.97روپے سے بڑھ کر 366.35 روپے اور قیمت فروخت 5.05روپے کے اضافے سے364.44روپے سے بڑھ کر 369.49 روپے ہو گئی۔
