فرمان الہی
نماز کے اوقات
معروف میزبان ندا یاسر نے اپنے حالیہ شو کے دوران نوبیاہتا شادی شدہ فنکار جوڑوں کی فہرست میں انمول بلوچ کا نام بھی شامل کر دیا۔
پاکستان شوبز انڈسٹری کے معروف، خوبصورت جوڑے اداکارہ سارہ خان اور ان کے شوہر گلوکار فلک شبیر نے حال ہی میں نجی ٹی وی چینل کے عید اسپیشل شو میں بطور مہمان شرکت کی۔
اس موقع پر سارہ خان اور فلک شبیر نے انڈسٹری کے حال ہی میں شادی کا لڈو کھانے والے جوڑوں کو نئی زندگی کی شروعات کی مبارک باد دی۔
فلک شبیر نے کہا کہ شوبز کی جو نوبیاہتا جوڑیاں ہیں ان میں کبریٰ اور گوہر، ماورا اور امیر شامل ہیں، اس موقع پر ندا یاسر نے فلک شبیر کی بات کاٹتے ہوئے انمول بلوچ کا نام بھی حالیہ شادی کرنے والے جوڑوں کی فہرست میں شامل کر دیا۔
اس پر فلک شبیر نے اپنی بات جاری رکھتے ہوئے کہا کہ جی آپ سب کو بہت بہت شادی مبارک ہو۔
ندا یاسر کے شادی شدہ جوڑوں میں انمول بلوچ کا نام لینے اور فلک شبیر کے مبارک باد دینے پر اداکارہ کے مداح و ڈرامہ شائقین تذبذب کا شکار نظر آ رہے ہیں کہ آیا اداکارہ نے چپکے سے شادی کر لی ہے یا وہ شادی کرنے والی ہیں۔
یاد رہے کہ معروف اداکارہ انمول بلوچ کے جَلد رشتہ ازدواج میں بندھنے کی افواہیں کافی عرصے سے سوشل میڈیا پر زیرِ گردش ہیں۔
دوسری جانب ’ہنگامہ ایکسپریس‘ کی ایک رپورٹ کے مطابق انمول بلوچ کی شادی کی تقریبات کا آغاز عید الفطر کے بعد ہو گا۔
