فرمان الہی
نماز کے اوقات
مسلم لیگ (ن) کے رہنما اور چیئرمین پاکستان بزنس فورم فرانس سردار ظہور اقبال نے کہا ہے کہ ن لیگ کی حکومت ہمیشہ عوام کو بنیادی ضروریات زندگی فراہم کرتی ہے، بجلی کے نرخ میں حالیہ کمی پر وزیراعظم میاں شہباز شریف اور انکی پوری ٹیم مبارکباد کے مستحق ہیں۔
جنگ سے انٹریو میں انہوں نے کہا کہ مسلم لیگ ن کی حکومت کی جانب سے بجلی کے نرخ میں ریکارڈ کمی پر وزیراعظم اور انکی پوری ٹیم کو مبارکباد پیش کرتے ہیں۔
انہوں نے مزید کہا کہ گھریلو اور صنعتی صارفین کےلیے بجلی نرخ کم کرنا قابل تعریف اقدام ہے۔ وزیراعظم کی کاوشوں سے ملک درست سمت پر گامزن ہوچکا ہے۔
انہوں نے کہا کہ مسلم لیگ نے پاکستان بنایا تھا اور پاکستان کو ڈیفالٹ سے بھی بچایا ہے اور اب ترقی کی راہ پر گامزن کردیا ہے۔ بجلی سستی کرنے سے نہ صرف عوام کو ریلیف ملے گا بلکہ ایکسپورٹ بھی بڑھے گی۔
ان کا کہنا تھا کہ مسلم لیگ ن کے دور میں ہی ہمیشہ عوام کو معاشی ریلیف ملتا ہے، مہنگائی میں مسلسل کمی ن لیگ کی بہترین معاشی پالیسیوں کا منہ بولتا ثبوت ہے۔
انہوں نے یہ بھی کہا کہ میاں نواز شریف کی قائدانہ صلاحیتوں سے ملک آگے بڑھ رہا ہے اور ملک میں ترقی کی راہیں کھل رہی ہیں، نوجوانوں کو روزگار ملے گا۔ ہم فرانس سمیت یورپ بھر میں پاکستان مسلم لیگ (ن) کو مضبوط مستحکم اور فعال بنائیں گے۔
