فرمان الہی
نماز کے اوقات
امریکی ٹیرف کے ایشیائی ممالک پر ممکنہ اثرات پر ایشیائی ترقیاتی بینک (اے ڈی بی) کی تجزیاتی رپورٹ جاری کر دی گئی ہے۔ ایشیائی ترقیاتی بینک کے مطابق ترقی پذیر ایشیائی خطہ امریکی ٹیرف سے سب سے زیادہ متاثر ہوگا۔
اے ڈی بی کی رپورٹ کے مطابق ترقی پذیر ایشیائی خطے میں پاکستان امریکی ٹیرف کی زد میں آنے والا 14واں بڑا ملک ہے، جنوبی ایشیا خطے میں پاکستان امریکی ٹیرف کی فہرست میں تیسرے نمبر پر ہے۔
اے ڈی بی کے مطابق سری لنکا کی مصنوعات پر 44 فیصد، بنگلہ دیش پر 37 فیصد ٹیرف عائد کیا گیا۔
رپورٹ کے مطابق پاکستان پر امریکی انتظامیہ نے 29 فیصد ٹیرف عائد کیا ہے، بھارت پر 26 فیصد، افغانستان، مالدیپ، نیپال اور بھوٹان پر شرح 10 فیصد عائد ہے۔
ایشیائی بینک کی رپورٹ کے مطابق ترقی پذیر ایشیائی خطے میں سب سے زیادہ ٹیرف کمبوڈیا پر 49 فیصد عائد کیا گیا ہے، سب سے زیادہ ٹیرف والے دنیا کے 10 ممالک میں سے 5 کا تعلق ایشیا سے ہے۔
اے ڈی بی رپورٹ کے مطابق تانبا، ادویات، سیمی کنڈکٹرز اور لکڑی کی اشیاء کو اضافی ٹیرف سے مستثنیٰ قرار دیا گیا ہے، توانائی کی مصنوعات اور ادویات پر بھی اضافی امریکی ٹیرف لگنے کا خدشہ ہے۔
ایشیائی بینک کی رپورٹ کے مطابق یہ اضافی ٹیرف یا محصولات پہلے سے عائد کردہ ٹیکس کے علاوہ ہوں گے، امریکی ٹیرف کا مقصد تجارتی خسارہ کم کرنا ہے۔
