فرمان الہی
نماز کے اوقات
پاکستان کرکٹ بورڈ (پی سی بی) نے جنوبی افریقی کرکٹر کوربن بوش پر ایک سال تک پاکستان سپر لیگ (پی ایس ایل) کھیلنے پر پابندی عائد کردی۔
واضح رہے کہ کوربن بوش پاکستان سپر لیگ کے ساتھ معاہدے کی خلاف ورزی کی تھی۔ معاہدے کے باوجود بھی جنوبی افریقی کرکٹر نے پی ایس ایل کھیلنے سے انکار کیا تھا۔
کوربن بوش نے پی ایس ایل پر ایک اور لیگ کو ترجیح دی تھی۔
اس حوالے سے پی سی بی کا کہنا ہے کہ کوربن بوش پاکستان سپر لیگ کا اگلا ایڈیشن کھیلنے کے اہل نہیں ہوں گے۔ جنوبی افریقی آل راؤنڈر پر مالی جرمانہ بھی عائد کیا گیا ہے۔
پاکستان کرکٹ بورڈ نے نان ڈسکلوزر ایگریمنٹ کی وجہ سے جرمانے کی رقم بتانے سے گریز کیا ہے۔
کوربن بوش نے پی سی بی کی عائد کردہ سزا اور جرمانہ قبول کرلیا۔ انکا کہنا تھا کہ میں اپنے کیے پر شرمندہ اور پاکستانی فینز سے معذرت خواہ ہوں۔
کوربن بوش نے کہا کہ پشاور زلمی کے فینز کو مایوس کرنے پر معافی مانگتا ہوں، اپنے عمل کی تمام تر ذمہ داری اور اس پر سزا کو قبول کرتا ہوں۔
