فرمان الہی
نماز کے اوقات
بھارت میں بیٹی کی شادی سے چند روز قبل اس کے منگیتر کے ساتھ بھاگنے والی ماں نے اہلِ خانہ کو دھوکا دینے کی وجہ بتا دی۔
بھارتی میڈیا کی رپورٹس کے مطابق بھارتی ریاست اتر پردیش سے تعلق رکھنے والی ماں (سپنا) اپنی بیٹی (شیوانی) کی شادی سے چند روز قبل ہونے والے داماد (راہول کمار) کے ساتھ بھاگ گئی تھی، جس نے اب خود کو پولیس کے حوالے کر دیا ہے۔
میڈیا رپورٹس کے مطابق شیوانی کے ساتھ ساتھ راہول نے بھی خود کو پولیس کے حوالے کر دیا اور ساتھ ہی نقدی اور زیورات چرانے کی تردید کر دی۔
میڈیا رپورٹس کے مطابق سپنا نے پولیس کو بیان ریکارڈ کراتے ہوئے گھر سے بھاگنے اور اہلِ خانہ کو دھوکا دینے کی وجہ بتا دی۔
ان کا کہنا ہے کہ میرا شوہر شراب پیتا تھا، نشہ کر کے تشدد کرتا تھا، جبکہ بیٹی شیوانی بھی مجھ سے لڑائی کرتی تھی، جس کی وجہ سے میں نے یہ قدم اُٹھایا۔
سپنا کا کہنا ہے کہ اب میں راہول کے ساتھ ہی رہوں گی اور کچھ بھی ہو جائے اسی سے شادی کروں گی۔
سپنا کے مطابق اس معاملے میں پولیس کی مداخلت کی وجہ سے واپس آ کر خود کو پولیس کے حوالے کرنے کا فیصلہ کیا۔
واضح رہے کہ راہول کمار اور شیوانی کی شادی 16 اپریل کو مقرر تھی تاہم شادی سے 10 روز قبل 6 اپریل کو راہول اپنی منگیتر کی ماں سپنا کے ساتھ فرار ہو گیا تھا، جس سے دونوں خاندانوں کو صدمہ پہنچا ہے۔
