فرمان الہی
نماز کے اوقات
ڈیجیٹل پلیٹ فارمز سے شہرت حاصل کرنے والے، نئی نسل کے بین الاقوامی شہرت یافتہ پاپ سنگرز حسن رحیم نے خاموشی سے شادی کرلی۔
فوٹو اینڈ ویڈیو شیئرنگ پلیٹ فارم انسٹاگرام پر گلوکار نے اپنی دلہن کے ہمراہ تصویر شیئر کرتے ہوئے اپنی شادی کا اعلان کیا ہے۔
گلوکار نے اپنے انسٹا اکاؤنٹ پر شادی کی تقریب کی 1 تصویر شیئر کر کے ناصرف اپنی شادی کا اعلان کیا ہے بلکہ دنیا بھر میں موجود لاکھوں خواتین مداحوں کے دل بھی توڑ دیے۔
سوشل میڈیا پر شیئر کی گئی تصویر شادی کے سلسلے میں منعقد ہونے والی کس تقریب کی ہے؟ یہ تو گلوکار نے نہیں بتایا، البتہ اس تصویر کو یا سوشل میڈیا پر دکھائی دینے والی ان کی شادی سے منسلک کوئی بھی پوسٹ، تصاویر یا ویڈیو کو ری شیئر کرنے سے منع کر دیا ہے۔
حسن رحیم کے مطابق میری اجازت کے بغیر شادی کی تصاویر یا ویڈیوز شیئر کرنا پرائیویسی کی خلاف ورزی کے زمرے میں آئے گا۔
گلوکار کی جانب سے شادی کا اعلان ہوتے ہی مداحوں کی بڑی تعداد انہیں مبارک باد دیتی دکھائی دے رہی ہے۔
شوبز انڈسٹری سے وابستہ ساتھی گلوکار و فنکار بھی نیک خواہشات کا اظہار کر کے حسین رحیم کی خوشی میں خوش دکھائی دے رہے ہیں۔
