فرمان الہی
نماز کے اوقات
پاکستان شوبز انڈسٹری کی سینئر اداکارہ عذرا آفتاب کا کہنا ہے میں آج جو کچھ بھی ہوں اپنے شوہر کی وجہ سے ہوں۔
یاد رہے کہ عذرا آفتاب کے شوہر آفتاب کا کچھ عرصے پہلے ہی انتقال ہوا ہے۔
اُنہوں نے حال ہی میں ایک نجی ٹی وی کے پروگرام میں بطور مہمان شرکت کی جہاں اُنہوں وہ اپنے مرحوم شوہر کے بارے میں بات کرتے ہوئے جذباتی ہوگئیں۔
اداکارہ نے بتایا کہ میرے بھائی پی ٹی وی میں منیجر تھے لیکن انہیں کبھی اسکرین پر کام کرنے کی اجازت نہیں ملی پھر میری شادی ہوئی تو میرے شوہر نے مجھے اداکاری کے شوق کو آگے بڑھانے کی اجازت دی اور پھر میں نے کبھی پیچھے مڑ کر نہیں دیکھا۔
اُنہوں نے بتایا کہ میرے شوہر میرے بھائی کے دوست تھے اور مجھے پسند کرتے تھے لیکن کبھی میرے سامنے اپنی محبت کا اظہار نہیں کیا اور ایک دن سیدھا میرے گھر رشتہ بھیج دیا۔
عذرا آفتاب نے بتایا کہ آفتاب مجھے جتنے پیار سے دیکھتے تھے وہ میں کبھی نہیں بھول سکتی۔
اُنہوں نے مزید بتایا کہ شادی کے بعد آفتاب نے مجھ سے کہا کہ اُنہیں شادی سے پہلے میری مضبوط شخصیت کی وجہ سے مجھ سے بات کرتے ہوئے ڈر لگتا تھا۔
اداکارہ نے روتے ہوئے بتایا کہ اب آفتاب کو یاد کرکے مجھے ہمت ملتی ہے اور ایسا لگتا ہے کہ آفتاب اب بھی میرے ساتھ ہیں۔
