کوئٹہ(پ ر)لورالائی کے قبائلی رہنما وسابق صوبائی وزیر ڈاکٹر عطا گل حمزہ زئی نے بیان میں بھارت کی جانب سے پاکستان پر حملے، مساجد اور شہری آبادی کو نشانہ بنانے اور معصوم شہریوں کی شہادت کی مذمت کرتے ہوئے کہا ہے کہ بھارت نے رات کے اندھیرے میں بزدلانہ انداز میں اشتعال انگیزی کرتے ہوئے نہ صرف بین الاقوامی قوانین کی خلاف ورزی کی بلکہ انسانی حقوق کو بھی پامال کیا۔ انہوں نے کہا کہ مساجد اور رہائشی علاقوں پر حملے کسی طور قابل قبول نہیں ،انہوں نے واقعے میں شہید معصوم شہریوں کے اہل خانہ سے دلی ہمدردی کا اظہار اور زخمیوں کی جلد صحت یابی کے لئے دعا کی۔ ڈاکٹر عطاء گل نے کہا کہ قوم ان قربانیوں کو کبھی فراموش نہیں کرے گی۔ پاک فضائیہ اور پاک فوج کی جانب سے فوری، بھرپور اور موثرجوابی کارروائی اس بات کا ثبوت ہے کہ پاکستان کی مسلح افواج ہر قسم کی جارحیت کا بھرپور جواب دینے کی صلاحیت رکھتی ہیں۔ انہوں نے کہا کہ بھارت کو یہ پیغام دینا ضروری تھا کہ پاکستان کی خودمختاری اور سالمیت پر آنچ آنے کی صورت میں پوری قوم اور فوج متحد ہو کر دشمن کی ہر سازش کو ناکام بنائے گی۔ انہوں نے مزید کہا کہ بلوچستان کے عوام پاک فوج کے ساتھ ہر محاذ پر کھڑے ہیں،سرزمین کے دفاع کے لئے ہم ہر قربانی دینے کیلئے تیار ہیں۔
فرمان الہی
نماز کے اوقات
